Amérikiliq mulahizichi: amérika jenubiy koréyege orunlashturghan uzun musapilik bashqurulidighan bomba qalqan sistémisi xitayni bi'aram qildi

Muxbirimiz jüme
2014-08-30
Élxet
Pikir
Share
Print

Amérikiliq mulahizichi "Forbis" zhurnilida élan qilghan mulahiziside, amérika jenubiy koréyege orunlashturghan uzun musapilik bashqurulidighan bomba qalqan sistémisining xitayni bi'aram qilghanliqini körsetken.

Mulahizichi donal kirkning yézishiche, xitay küreshchi ayropilanining mezkur rayonda amérika we yaponiye ayropilanlirigha qara kölengge tashlishi, hemde shimaliy koréyedin kélidighan bashqurulidighan bomba tehditining éshishigha egiship, yuqiriqi hawa boshluqida zerbe béreleydighan bashqurulidighan bomba qalqan sistémisining asiyagha orunlashturulushi bek eqelliy chare iken.

Uning körsitishiche, amérikining mezkur bashqurulidighan bomba sistémisini koréyege orunlashturushi xitayning yéqinqi tajawuzkarane heriketlirige ong tanasip kélidiken.

Aldinqi heqte amérika dölet mudapi'e ministirliqi xitay küreshchi ayropilanining tinch okyandiki xelq'araliq ochuq déngizda tekshürüsh élip bériwatqan amérika herbiy ayropilanigha 10 métirche yéqinlashqanliqini we buninggha étiraz bildürgenlikini ashkarilighan idi.

Xitay da'iriliri eyni chaghda eger amérika bu xildiki tekshürüsh pa'aliyitini toxtatmisa öziningmu mudaxile qilish herikitini köpeytidighanliqini bildürgen idi.

Amérika jenubiy koréyege yuqirida tilgha ilin'ghan bashqurulidighan bomba sistémisini orunlashturghandin kéyin, xitay we rusiye da'iriliri étiraz bildürüp, buning rayon xewpsizliki we istratégiyelik tengpungluqqa eks tesir körsitidighanliqini bildürüshken.

Halbuki amérika da'iriliri bu bomba sistémisining özining omumiy pilanining bir qismi ikenliki, buning yaponiyege qaritip étilghan bombilarni tosushni meqset qilidighanliqini bildürgen.

Toluq bet