Гуаңдуң җяңнәндики намайиш үч күндин бери давам қилмақта

Мухбиримиз шөһрәт һошур
2013-07-15
Елхәт
Пикир
Share
Принт

Гуаңдуңниң җяңнән шәһиридики аһалиләр җүмә вә шәнбә күнилири намайиш үткүзүп шәһәрдә қурулмақчи болған ядро әслиһәлири фабрикисиға қаршлиқ көрсәткән.

Даириләр шәнбә күни һөкүмәт тор бетидә баянат елан қилип қурулуш пиланини амма билән музакирилишиш мөһлитини йәнә 10 күн узартқанлиқини билдүргән. Һөкүмәтниң бу җавабиға рази болмиған намайишчилар йәкшәнбә күни һөкүмәт алдида қайта топлинип, қурулуш пиланини тездин вә пүтүнләй бикар қилишни тәләп қилған. Намайишчилар йәкшәнбә күни көтүргән лозункиларда «бизгә пәрзәнт керәк, атом керәк әмәс», «бизгә һаят керәк GDP керәк әмәс» дегәндәк шоарлар йезилған.

Намайишчиларниң қәтий ирадисидин чөчигән, мәзкур қурулуш пиланланған районниң мәсуллири йәкшәнбә күни намайишчиларға җавабән мәзкур тәвәликтә ядро фабрикиси қурулмайдиғанлиқини уқтурған. Әмма, мәзкур қурулуш пиланиниң пүтүнләй әмәлдин қалдурулғанлиқи яки орниниң бикар қилинғанлиқи һәққидә мәлумат бәрмигән. Бу әһвал намайишчиларни давамлиқ әндишигә салған.

Пикирләр (0)
Share
Толуқ бәт