Җов йоңкаң «шинҗаң әвлияси» дәп аталған палчи хитайни мәхпий һөҗҗәт билән тәминлигән

Мухбиримиз әркин
2015-06-12
Елхәт
Пикир
Share
Принт

Пәйшәнбә күни, муддәтсиз қамақ җазасиға һөкүм қилинған хитай мәркизи сиясий қанун комитети секретари җов йоңкаң, үрүмчиниң шүмиго районида олтурушлуқ «шинҗаң әвлияси» дәп аталған хитай палчи сав йоңҗиңни мәхпий һөҗҗәт билән тәминлигән.

«Җәнубий җуңго әтигәнлик почта гезити» ниң ашкарилишичә, тйәнҗиндә мәхпий сотлинип, муддәтсиз қамаққа һөкүм қилинған җов йоңкаң сотта сав йоңҗиңни у көрүшкә болмайдиған 5 мутләқ мәхпий һөҗҗәт, бир мәхпий һөҗҗәт билән тәминләп, дөләтниң мәхпийәтлик қануниға хилаплиқ қилған, дәп әйибләнгән.

Лекин хәвәрдә, җов йоңкаңниң палчи сав йоңҗеңни қандақ мәхпий һөҗҗәт билән тәминлигәнлики тилға елинмиған.

Хәвәрләрдин мәлум болушичә, сав йоңҗиң үрүмчиниң шөмиго районида дәргаһ қуруп, юқири дәриҗилик хитай әмәлдарлириға пал селиш, уларни давалаш билән мәшғул болуп кәлгән.

Бу җәрянда у, хитай һөкүмранлиқ қатлимидики сәрхилләр билән мунасивәт тори шәкилләндүргән.

«Җәнубий җуңго әтигәнлик почта гезити» ниң илгири сүрүшичә, сав йоңҗең мунасивәт торидин пайдилинип, хитай дөләтлик нефит ширкитиниң сабиқ әмәлдари билән биргә хоңкоңда ширкәт ачқан. Мәзкур ширкәт мәхсус уйғур или вә хитайниң җилин өлкисидә нефит тиҗарити билән шуғулланған.

«Җәнубий җуңго әтигәнлик почта гезити» хәвиридә, сав йоңҗеңниң 22‏-май тйәнҗин сот мәһкимисидә җов йоңкаңға қарши гуваһлиқ бәргәнликини билдүргән.

Пикирләр (0)
Share
Толуқ бәт