Хитай җу йүңкаңниң тутқун қилинип тәкшүрүлүватқанлиқини елан қилди

Мухбиримиз меһрибан
2014-07-29
Елхәт
Пикир
Share
Принт

Хитай мәркизи интизам тәкшүрүш идариси 29-июл сәйшәнбә күни хитай сиясий қанун комитетиниң сабиқ башлиқи җу йүңкаңниң интизамға еғир дәриҗидә хилаплиқ қилғанлиқи үстидин дело турғузулуп, тәкшүрүлүватқанлиқини елан қилди.

Мәлум болушичә җу йүңкаң вәзиписидин қалдурулуштин илгири хитайдики 9 нәпәр сиясий бюро әзасиниң бири, хитай сиясий қанун комитетиниң башлиқи вәзиписини өтигән. Чәтәлләрдики хитай демократлири тор бекәтлири вә хәлқара мәтбуатларда җу йүңкаң вә униң аялиниң бултур 12-айниң 3-күни хитай мәркизи интизам тәкшүрүш комитети тәрипидин бейҗиңдики өйидин тәкшүрүш намида тутқун қилинип елип кетилгәнлики, вәқәдин кейин җу йүңкаң җәмәти вә униң йеқинлиридин көп кишиниң тутқун қилинғанлиқи һәққидә хәвәр қилинған. Әмма хитайниң һөкүмәт хәвәрлиридә җу йүңкаңниң тутқун қилинғанлиқиға аит рәсмий хәвәр берилмәй, пәқәт интизамға хилаплиқ қилған бир түркүм әмәлдарларға чарә көрүлгәнлики һәққидики хәвәрләр берилгән иди.

Әнглийә б б с агентлиқиниң бүгүнки хәвиридә дейилишичә, хитай һөкүмити сәйшәнбә күни җу йүңкаңниң тутқун қилинғанлиқини елан қилиш билән биллә йәнә, бу йил 10-айда бейҗиңда хитай компартийисиниң 18- нөвәтлик 4-қурултийиниң ечилидиғанлиқини елан қилған.

Пикирләр (0)
Share
Толуқ бәт