Җу йүңкаңниң йеқинлири дәп қаралған яң гаң вә ли зуңшиниң җазалиниши диққәт қозғиди

Мухбиримиз меһрибан
2013-12-30
Елхәт
Пикир
Share
Принт

27-Декабир күни хитай интизам тәкшүрүш комитетиниң торида уйғур аптоном райониниң сабиқ муавин партком секретари яң гаңниң интизамға хилаплиқ қилиш билән әйиблинип хизмитидин тохтитилғанлиқи елан қилинғандин кейин, 30-декабир күни йәнә сичүән өлкилик сиясий кеңәшниң рәиси ли зуңшиниң хитай мәркизи интизам тәкшүрүш комитети тәрипидин тәкшүрүлүватқанлиқи хәвәр қилинди.

Хоңкоңда чиқидиған миңҗиң хәвәрләр ториниң 30-декабирдики санида, бу иккийләнниң оттуриға чиқиши, хитай сиясий қанун комитетиниң сабиқ башлиқи җу йүңкаң билән йеқин алақиси болған йәнә икки нәпәр өлкә дәриҗилик әмәлдарниң җазаланғанлиқидин дерәк беридиғанлиқи тәкитләнди.

Хоңкоңда чиқидиған «миңбав гезити»ниң 30-декабирдики хәвиридә, әмди уйғур аптоном райониниң сабиқ партком секретари ваң лечүәнниң тәкшүрүлүватқанлиқи һәққидә бәзи учурларниң ашкариланғанлиқи хәвәр қилинди.

2013-Йили 9-айдин буян юқири дәриҗилик хитай әмәлдарлириниң қолға елинғанлиқи һәққидики хәвәрләр көпәйгән болуп, буларниң зор көпчиликиниң җу йүңкаңниң йеқинлири икәнлики ениқланған шундақла җу йүңкаң вә униң аилә җәмәтиниң хитай мәркизи интизам тәкшүрүш комитети тәрипидин тәкшүрүлүп, бәзилириниң тутқун қилинғанлиқи һәққидә хәвәрләр тарқалған иди.

Пикирләр (0)
Share
Толуқ бәт