Ju yüngkangning yéqinliri dep qaralghan yang gang we li zungshining jazalinishi diqqet qozghidi

Muxbirimiz méhriban
2013-12-30
Élxet
Pikir
Share
Print

27-Dékabir küni xitay intizam tekshürüsh komitétining torida Uyghur aptonom rayonining sabiq mu'awin partkom sékrétari yang gangning intizamgha xilapliq qilish bilen eyiblinip xizmitidin toxtitilghanliqi élan qilin'ghandin kéyin, 30-dékabir küni yene sichüen ölkilik siyasiy kéngeshning re'isi li zungshining xitay merkizi intizam tekshürüsh komitéti teripidin tekshürülüwatqanliqi xewer qilindi.

Xongkongda chiqidighan mingjing xewerler torining 30-dékabirdiki sanida, bu ikkiylenning otturigha chiqishi, xitay siyasiy qanun komitétining sabiq bashliqi ju yüngkang bilen yéqin alaqisi bolghan yene ikki neper ölke derijilik emeldarning jazalan'ghanliqidin dérek béridighanliqi tekitlendi.

Xongkongda chiqidighan "Mingbaw géziti"ning 30-dékabirdiki xewiride, emdi Uyghur aptonom rayonining sabiq partkom sékrétari wang léchüenning tekshürülüwatqanliqi heqqide bezi uchurlarning ashkarilan'ghanliqi xewer qilindi.

2013-Yili 9-aydin buyan yuqiri derijilik xitay emeldarlirining qolgha élin'ghanliqi heqqidiki xewerler köpeygen bolup, bularning zor köpchilikining ju yüngkangning yéqinliri ikenliki éniqlan'ghan shundaqla ju yüngkang we uning a'ile jemetining xitay merkizi intizam tekshürüsh komitéti teripidin tekshürülüp, bezilirining tutqun qilin'ghanliqi heqqide xewerler tarqalghan idi.

Toluq bet