Һейтгаһ мәсчитиниң имам хатиби җүмә таһирниң өлтүрүлүши хәлқара мәтбуатларда кәң орун алди

2014-07-31
Елхәт
Пикир
Share
Принт

Қәшқәр һейтгаһ мәсчитиниң хатиб имами җүмә таһирниң өлтүрүлгәнлик хәвири истансимиз тәрипидин тунҗи болуп тарқитилғандин кейин, хәлқарадики мәтбуатларниңму алаһидә диққитини қозғиди. Хәлқарадики нурғун даңлиқ агентлиқлар вә гезитләр истансимизни мәнбә қилип туруп, бу хәвәрни елан қилди. Бу хәвәр америкида чиқидиған нопузлуқ журнал вал ситрит журнили, лос анҗелис вақти гезити, франсийә агентлиқи, германийә хәвәр агентлиқи, гардиян гезити вә әл - җәзирә қатарлиқ мәтбуатларда елан қилинди.

Хәвәрләргә айрим - айрим һалда «хитайдики дөләт тәйинлигән мусулман лидир өлтүрүлди», «коммунист партийини һимайә қилған уйғур имам пичақлап өлтүрүлди», «уйғур имам әтигәнлик намаздин кейин өлтүрүлди» дегәнгә охшаш темилар қоюлған.

Хәвәрләрдә бирдәк, имам җүмә таһирниң уйғур елидә хитай һөкүмитиниң сияситигә нарази болуп вәқә пәйда қилғанларни қаттиқ әйибләп, хитай компартийисиниң сиясәтлирини мәдһийиләп кәлгәнлики вә бу арқилиқ хәлқниң нәпритигә дучар болғанлиқи тилға елинған.

Пикирләр (0)
Share
Толуқ бәт