Камбодижа хәлқи кәң көләмлик намайиш қилди

Мухбиримиз үмидвар
2013-12-29
Елхәт
Пикир
Share
Принт

Йәкшәнбә күни камбодижаниң пайтәхти пинонпен шәһиридә кәң көләмлик аммиви намайиш йүз берип, һөкүмәт баш министири хунсенни истипаға чақирди.

Бирләшмә агентлиқиниң хәвәр қилишичә, намайишқа йетәкчилик қилған өктичи партийә рәһбәрлири хунсен һөкүмитини қанунсизлиқ билән әйибләп, уни вәзиписидин чүшүшкә чақирған.

Бу йил 7-айда камбодижа вәтәнни қутқузуш партийисиниң рәһбири сайламда ғәлибә қилиш еһтимали чоң болған болсиму, бирақ нәтиҗә қазиналмиған иди. Өктичиләр бу сайламда наһәқчилик болғанлиқини әйибләп, 55 нәпәр өктичи партийә әзаси өзлириниң парламент әзасилиқ вәзиписини тапшурувелиш үчүн қәсәм беришни рәт қилған иди.

Бир қанчә һәптидин буян өктичиләр мәмликәттики кийим тикиш вә башқа саһәләрдики ишчиларни өзлиригә җәлп қилип, һөкүмәттин ишчиларниң иш һәққини өстүрүп беришни тәләп қилған. Йәкшәнбә күнигә кәлгәндә намайишқа бир қанчә онмиң киши қатнишип, 30 йилдин буян һакимийәт йүргүзүватқан хуңсенни тәхттин чүшүшкә чақирди.

Пикирләр (0)
Share
Толуқ бәт