Kambodizha xelqi keng kölemlik namayish qildi

Muxbirimiz ümidwar
2013-12-29
Élxet
Pikir
Share
Print

Yekshenbe küni kambodizhaning paytexti pinonpén shehiride keng kölemlik ammiwi namayish yüz bérip, hökümet bash ministiri xunsénni istipagha chaqirdi.

Birleshme agéntliqining xewer qilishiche, namayishqa yétekchilik qilghan öktichi partiye rehberliri xunsén hökümitini qanunsizliq bilen eyiblep, uni wezipisidin chüshüshke chaqirghan.

Bu yil 7-ayda kambodizha wetenni qutquzush partiyisining rehbiri saylamda ghelibe qilish éhtimali chong bolghan bolsimu, biraq netije qazinalmighan idi. Öktichiler bu saylamda naheqchilik bolghanliqini eyiblep, 55 neper öktichi partiye ezasi özlirining parlamént ezasiliq wezipisini tapshuruwélish üchün qesem bérishni ret qilghan idi.

Bir qanche heptidin buyan öktichiler memlikettiki kiyim tikish we bashqa sahelerdiki ishchilarni özlirige jelp qilip, hökümettin ishchilarning ish heqqini östürüp bérishni telep qilghan. Yekshenbe künige kelgende namayishqa bir qanche onming kishi qatniship, 30 yildin buyan hakimiyet yürgüzüwatqan xungsénni texttin chüshüshke chaqirdi.

Toluq bet