Kanada bash ministiri dérido xitay bilen 3 xil soda kélishimi imzalidi

Muxbirimiz erkin
2017-12-04
Élxet
Pikir
Share
Print

Kanada bash ministiri jastin térido düshenbe küni béyjingda xitay bash ministiri li kéchyang bilen 3 xil soda kélishimi imzalighan.

Firansiye agéntliqining xewer qilishiche, xitayning xelq sariyidiki murasimda imzalan'ghan kélishim ikki terepning énérgiye hemkarliq heriket pilani, yémeklik mehsulati.... Qatarliqlar sahelerge chétilidiken. Lékin xewerde, kélishimning konkrét tepsilati melum emeslikini bildürgen.

Téridoning ziyariti 3‏-dékabir bashlan'ghan. U düshenbe küni muxbirlargha qilghan sözide, "Kanada hazirmu, burunmu izchil tijaretchi dölet bolup keldi. Lékin hazir soda baziri almashti. Biz buninggha maslishishimiz kérek" dégen. Biraq jastin térido xitay ziyaritini bashlashtin burun kanada kishilik hoquq teshkilatliri uning sodighila merkezliship qalmasliqini, kishilik hoquq mesilisinimu otturigha qoyushini telep qilghan.

Xelq'ara kechürüm teshkilati, kishilik hoquq teshkilati qatarliq organlar bolupmu xitay türmisidiki kanada puqralirining mesilisini, jümlidin Uyghur kanada puqrasi hüsenjan jélilning mesilisini otturigha qoyup, uning qoyup bérishni telep qilishqa chaqirghan idi.

Térodi xitay ziyaritini bashlashtin burun özining xitay bilen "Bashqurushni yaxshi élip bérish, kishilik hoquq, qanun bilen idare qilish qatarliq mesililer" ni toluq we dostane muzakire qilish pilani barliqini bildürgen. Lékin közetküchilerning ilgiri sürüshiche, téridoning ziyariti sodini merkez qilghan bolup, uning bu mesililerni qandaq otturigha qoyidighanliqigha yenila qarap bir néme déyishke toghra kélidiken.

Bu téridoning bash ministirliq wezipisidin olturghan ikki yildin buyan xitayni 2‏-qétim ziyaret qilishi bolup, uning ziyariti kanadaning amérika we méksika bilen shimaliy amérika erkin soda kélishimini qayta tüzüsh söhbiti bashlan'ghan, lékin közetküchiler bu söhbetning ayighi chiqmaydu, dep qarawatqan mezgilde élip bérildi.

Toluq bet