Xelq'arada étirap qilinmighan abxaziye we jenubi ossétiye kataloniye musteqilliqini étirap qilmaqchi

Muxbirimiz ümidwar
2017-10-29
Élxet
Pikir
Share
Print

Kawkaziyediki abxaziye we jenubi ossétiye jumhuriyetliri hökümetliri kataloniyening musteqilliqini étirap qilishqa teyyarliniwatqanliqini bildürgen.

Rusiyening "Komsomol heqiqiti" gézitide élan qilin'ghan bu heqtiki uchurgha qarighanda, jenubiy ossétiye tashqi ishlar ministiri dmitriy médoyéw jenubi ossétiyening kataloniye musteqilliqini étirap qilish mesilini muhakime qilishqa teyyar ikenliki we hazir weziyetni közitiwatqanliqini bildürgen. 

Buningdin bashqa yene abxaziye hökümitimu kataloniyening musteqilliqini étirap qilishqa teyyar ikenlikini bildürgen, abxaziye tashqi ishlar ministirliqi wekili 2014-yilidin tartip, kataloniyede pa'aliyet qilmaqta iken. Abxaziye mu'awin tashqi ishlar ministiri öz jumhuriyitining kataloniyening musteqilliqini étirap qilishqa teyyar ikenlikini bildürgen. 

Xewerlerdin melumki, abxaziye we jenubi ossétiye eslide gruziye tewelikidiki aptonom jumhuriyetler bolup, 1990-yillarda rusiyening qollishi astida musteqilliq jakarlighan we 2008-yili, rusiye teripidin étirap qilin'ghan. Emma ular, hazirghiche, rusiye we bir qanche dölettin bashqa chong döletlerning we b d t ning étirap qilishigha érishelmey kelmekte, hetta rusiyening eng yéqin ittipaqdishi xitaymu rusiye terepning éhtiyajini chetke qayrip, mezkur ikki jumhuriyetning musteqilliqini tonumighan idi. Xitay bu qétim yene kataloniyening musteqil bolushighimu qarshi pozitsiyisini bildürgen.

Kataloniye, musteqilliq jakarlighandin buyan hazirghiche, héchqandaq bir dölet we yawropa ittipaqi yaki b d t téxi kataloniye musteqilliqini étirap qilidighanliqini jakarlimighan. 

B b s agéntliqining xewer qilishiche, kataloniye musteqilliq jakarlighandin kéyin, krizis téximu éghirlashqan bolup, ispaniye yuqiri palatasi kataloniye aptonom hökümitini hem bu hökümet bashliqining wezipisini bikar qiliwétip, bu jayni biwasite bashqurush astigha alghanliqini élan qildi. Emma yekshenbe küni wezipisidin qaldurulghan kataloniye aptonom hökümiti re'isi karlés puchdémon özining bu rayonning musteqilliqi üchün qet'iy küresh qilidighanliqini jakarlighan.

Toluq bet