B d t bash katipi antoniyu Uyghur mesilisi heqqidiki so'algha "Kishilik hoquqqa hörmet qilish intayin muhim" dep jawab bergen

Muxbirimiz irade
2019-11-27
Élxet
Pikir
Share
Print

Birleshken döletler teshkilatining bash katipi antoniyu gutéres gérmaniyediki ziyariti mezgilide muxbirlarning Uyghurlar heqqidiki so'aligha jawab bergen.

"Gérmaniye awazi" radiyosining xewer qilishiche, gutéres gérmaniyede tor qurulushi bixeterlikige munasiwetlik bir yighin'gha qatnishiwatqan bolup, muxbirlarni kütüwélish yighinida "Gérmaniye awazi" ning muxbiri uningdin Uyghur élining weziyiti heqqidiki inkasini sorighan.

U buninggha jawaben "Kishilik hoquqqa hörmet qilishning intayin muhimliqi" ni tekitligen. U mundaq dégen: "Dölet siyasiti choqum az sanliq milletlerni özlirining milliy kimlikige hörmet qiliniwatqanliqini hés qildurushi kérek. Bu intayin muhim. Bolupmu shinjangdikidek alahide ehwallarda téximu muhim. Dunyaning bashqa jayliridimu shundaq."

Birleshken döletler teshkilatining bash katipi antoniyu gutéres Uyghur mesiliside xitay hökümitige yéterlik bésim ishletmeslik bilen tenqidlinip kéliwatqan shexs idi. Bu yil séntebirde xelq'ara kishilik hoquqni közitish teshkilati, kechürüm teshkilati, xelq'ara kishilik hoquq birleshmisi, qanunshunaslar kéngishi we dunya Uyghur qurultiyi qatarliq teshkilatlar birlikte gutérésqa xet yézip, uni xitay hökümitining Uyghur élide yolgha qoyghan lagérlirigha qarshi awaz chiqirishqa chaqirghan shundaqla uning ta bügün'giche Uyghur mesiliside süküt qilghanliqini eyibligen idi. Halbuki, gutérés tenqidlerni qattiq ret qilip, özining bu yil 4-ayda xitaygha qilghan ziyariti mezgilide Uyghurlarning mesilisini ochuq-ashkara tilgha alghanliqini ilgiri sürgen.

Toluq bet