Ғулҗидики көмүр канлириниң көпләп қезилиши диққәт қозғимақта

Мухбиримиз әзиз
2018-06-21
Елхәт
Пикир
Share
Принт

Хитайниң «енергийә амбири» дәп атиливатқан уйғурлар дияридики тәбиий байлиқларниң қезилиши изчил һәр саһә кишилириниң диққитидә болуп келиватқан әһвалларниң биридур.

Йеқинда хитайниң дөләтлик енергийә идариси ғулҗа кан районидики 2-номурлуқ үсти очуқ көмүр канни қезиш қурулушини рәсмий тәстиқлиған.

Ройтерс агентлиқиниң 21-июндики хәвиригә қариғанда, мәзкур көмүр канни қезиш қурулушиға 3.1 Милярд сомлуқ мәбләғ аҗритилған. Мәлум болушичә униң 1-басқучлуқ қурулуш көлими йилиға төт милйон тоннидин болидикән. Кан райони ғулҗа наһийәси тәвәсидә болуп, қезилған көмүрләрни таллап бир тәрәп қилиш завутиму бирла вақитта иш башлайдикән.

Әмма алақидар затлар бу һәқтә пикир қилип, «уйғурлар дияридики көмүр байлиқиниң қезилиши башқа тәбиий байлиқларниң қезилиши һәмдә хитай өлкилиригә тошуп кетилгинигә охшаш йәрлик уйғурларға һечқандақ иқтисадий мәнпәәт елип кәлмәйду. Бу җайға қалидиғини пәқәт булғанған муһиттин башқа нәрсә болмайду,» деди.

Мәлум болушичә, уйғур аптоном райониниң сабиқ қорчақ рәис нур бәкри 2014-йили рәисликтин айрилип, дөләтлик енергийә идарисиниң башлиқи болуп йөткәлгән.

Пикирләр (0)
Share
Толуқ бәт