بېقىۋېلىنغان قىز مۇنىرە مەمەتنىڭ تۇغۇلغان ئۆڭكۈردە ئۆلگەنلىكى ئاشكارىلاندى

مۇخبىرىمىز شۆھرەت ھوشۇر
2015-12-09
ئېلخەت
پىكىر
Share
پرىنت

خىتاي، باي كۆمۈركان ھۇجۇم گۇماندارلىرىدىن 28 كىشىنىڭ ئۆلتۈرۈلگەنلىكىنى ئېلان قىلىپ، ئۇلارنىڭ كىملىك ۋە كىملىك كەچمىشىنى ئېلان قىلمىغاندىن كېيىن مۇخبىرىمىز، ۋەقەدە ئۆلگەنلىكى ئىلگىرى سۈرۈلگەن 9 ياشلىق مۇنىرە مەمەت ھەققىدە ئەھۋال ئىگىلىدى.

تەۋەلىكتىكى كەنت مەسئۇلى ۋە ئاھالىلەرنىڭ بايانىدىن قارىغاندا، 9 ياشلىق گۇماندار مۇنىرە مەمەت ئۆزى تۇغۇلغان ۋە قۇتقۇزۇۋېلىنغان غارنىڭ ئىچىدە خىتاي قوراللىق قىسمىنىڭ ھۇجۇمىدا ھاياتىدىن ئايرىلغان.

بايان قىلىنىشىچە، مۇنىرە قورساقتىكى ۋاقتىدا پىلانلىق تۇغۇت سەۋەبلىك چۈشۈرۈلۈۋېتىش خەۋپىگە دۇچ كەلگەن.

باي كۆمۈركان ھۇجۇمچىلىرىدىن مەمەت ئەيسا مۇنىرەنىڭ ئاتا-ئانىسىنى «يەۋەندى» دەپ ئاتىلىدىغان تاغ باغرىدىكى بىر ئۆڭكۈرگە يۆتكەپ يوشۇرغان. مۇنىرە ئامان-ئېسەن تۇغۇلغاندىن كېيىن، ئۇنىڭ دادىسى تۇرغۇن مەمەتنىڭ رازىلىقى بىلەن ئۇنى گۇماندار مەمەت ئەيسا بېقىۋالغان.

18-سېنتەبىر كۆمۈركان ھۇجۇمى يۈز بەرگەندە مەمەت ئەيسا بېقىۋالغان قىزى مۇنىرە مەمەتنىمۇ ھەمراھلىرى بىلەن بىرلىكتە ئېلىپ قاچقان. نەتىجىدە مۇنىرە مەمەت ئۆزى تۇغۇلغان ۋە بېقىۋېلىنغان كامىرىدا خىتاي قوراللىق كۈچلىرىنىڭ ھۇجۇمىدا ھاياتىدىن ئايرىلغان.

پىكىرلەر (0)
Share
تولۇق بەت