Уйғур аммибаб нахшичи аблаҗан авутниң милләтләр ара «көврүк» болмақчи болғанлиқи инкас қозғимақта

Мухбиримиз қутлан
2017-03-18
Елхәт
Пикир
Share
Принт

Аблаҗан авут йеқинқи мәзгилләрдин буян аммибаб нахша чолпини сүпитидә тонуливатқан яш болуп, бир қисим чәтәл таратқулари уни «уйғурларниң җастин байбери» дәп атиған.

Һалбуки, у төнүгүн, йәни 17-март күни б б с мухбириниң зияритини қобул қилғанда өзиниң уйғурлар билән хитайлар оттурисидики «мәдәнийәт арилиқи» ға «көврүк» болушни халайдиғанлиқини билдүргән.

Аммибаб нахша чолпини аблаҗан авутниң йоқириқи сөзлири уйғур диярида миллий зиддийәтләр әң кәскинләшкән, қанлиқ вәқәләр арқа-арқидин йүз бериватқан, хитай һөкүмити районда үзлүксиз һалда «муқимлиқ» вә «милләтләр иттипақлиқи» дәп товлаватқан бир алаһидә мәзгилдә ейтилған.

Хәвәрдә аблаҗан авутниң хитайлар билән уйғурлар арисида зади қандақ «көврүк» болмақчи икәнлики вә бу һәқтики конкерит пилани тилға елинмиған.

Муһаҗирәттики уйғур җамаити иҗтимаий таратқуларға инкас йезип, нахшичи аблаҗан авут хитайда тәшвиқатчи қурбанҗан сәмәт типидики «қизил көврүк» болмақчиму яки башқа типтики «көврүк» болушни ойлаватамду, дегән бәс-муназириләрни қилишмақта.

Пикирләр (0)
Share
Толуқ бәт