Xitay da'iriliri "1-Mart künming weqesi" de eyiblen'gen 3 Uyghurgha bérilgen ölüm jazasini ijra qildi

Muxbirimiz méhriban
2015-03-24
Élxet
Pikir
Share
Print

Xitayning hökümet taratquliri 24-mart küni 2014-yili xitayda yüz bergen 31 ademning ölüshige seweb bolghan "1-Mart künming poyiz istansisidiki pichaqliq hujum weqesi"ni pilanlighuchilar dep eyiblen'gen iskender ehet, turghun toxtiniyaz we hesen muhemmed qatarliq 3 Uyghurgha bérilgen ölüm jazasining ijra qilin'ghanliqini xewer qildi.

Xelq'ara metbu'atlarning künming poyiz istansisi weqeside jawabkarliqi bar dep eyiblinip ölümge höküm qilin'ghan bu üch neper Uyghur heqqide bergen xewerliri xitay hökümet taratquliridin perqliq boldi. En'gliye b b s agéntliqining xewiride "Xitay hökümiti weqedin ikki kün ilgiri yeni 2-ayning 27-küni xitay chégrasidin qéchishqa urun'ghanda tutqun qilin'ghan, 1-mart künming poyiz istansisidiki hujumda neq meydanda bolmighan bu üch Uyghurni hujumni pilanlash we qesten adem öltürüsh jinayiti bilen ölümge höküm qildi" dégen bayanlar bérildi.

B b s agéntliqi, firansiye agéntliqi, teywen merkizi agéntliqi qatarliq xelq'ara metbu'atlar xewerliride yene, dunya Uyghur qurultiyi bayanatchisi dilshat rishitning bu heqte bergen naraziliq bayanatidiki "Künming poyiz istansisida yüz bergen pichaqliq hujumgha chétishliq dep eyiblen'gen bu Uyghurlar adil sotlinishtin mehrum qalduruldi. Xitay hökümet da'iriliri Uyghurlarni ölümge höküm qilish arqiliq, öz üstige élishqa tégishlik siyasiy mes'uliyettin qéchishqa urunuwatidu. Uyghurlarning bu xil qarshiliq heriketlirige mejburlinishigha béyjing hökümitining Uyghurlar üstidin yürgüzüwatqan qattiq basturush siyasiti seweb boluwatidu" dégen bayanlirini neqil alghan.

Toluq bet