Явропа оттура асия җәмийити уйғур дияридики лагерлар һәққидә баянат елан қилди

Мухбиримиз әзиз
2019-06-25
Елхәт
Пикир
Share
Принт

Уйғур дияридики сиясий бастуруш һәққидә хәлқарада күчлүк җамаәт пикри болуватқанда «явропа оттура асия тәтқиқат җәмийити» 2019-йили өткүзүлидиған йиғин һарписида лагерлар мәсилисини әйибләп баянат елан қилди.

Баянатта һазирғичә мәлум болған мәһбуслар исимликидики 435 уйғур зиялийсиниң лагерға қамалғанлиқи, бу кишиләрниң һәрқайси алий билим юртлирида оқутқучи болуп ишләватқан кишиләр икәнлики, буларниң ичидә муһәммәд салиһ дамолла, мутәллип нурмәмәт қатарлиқ алий мәлуматлиқ кишиләрдин аз дегәндиму тоққуз кишиниң мушундақ лагерда җан үзгәнлики алаһидә тәкитлиниду.

Баянатта йәнә уйғурларниң әң әқәллий һәқлиридин өз тилида сөзләш, диний билим елиш, чәтәлләргә саяһәт яки оқушқа бериш дегәнләрниң пүтүнләй мәни қилиниши қаттиқ әйибләнгән вә ахирида хитай һөкүмитини бу хил қанунсиз қилмишларни шәртсиз тохтитишқа чақириқ қилинған.

Мәлум болушичә, явропа оттура асия җәмийитиниң икки йилда бир өткүзүлидиған йиғини 27-июндин 29-июнғичә ечилидиған болуп, уйғурлар мәсилисиму бу қетимқи йиғинда алаһидә муһим темилар қатаридин орун алған. Бу баянат елан қилинғандин кейин җоанне симис қатарлиқ көплигән алимлар буни қизғин алқишлиған.

Пикирләр (0)
Share
Толуқ бәт