Yawropa ottura asiya jem'iyiti Uyghur diyaridiki lagérlar heqqide bayanat élan qildi

Muxbirimiz eziz
2019-06-25
Élxet
Pikir
Share
Print

Uyghur diyaridiki siyasiy basturush heqqide xelq'arada küchlük jama'et pikri boluwatqanda "Yawropa ottura asiya tetqiqat jem'iyiti" 2019-yili ötküzülidighan yighin harpisida lagérlar mesilisini eyiblep bayanat élan qildi.

Bayanatta hazirghiche melum bolghan mehbuslar isimlikidiki 435 Uyghur ziyaliysining lagérgha qamalghanliqi, bu kishilerning herqaysi aliy bilim yurtlirida oqutquchi bolup ishlewatqan kishiler ikenliki, bularning ichide muhemmed salih damolla, mutellip nurmemet qatarliq aliy melumatliq kishilerdin az dégendimu toqquz kishining mushundaq lagérda jan üzgenliki alahide tekitlinidu.

Bayanatta yene Uyghurlarning eng eqelliy heqliridin öz tilida sözlesh, diniy bilim élish, chet'ellerge sayahet yaki oqushqa bérish dégenlerning pütünley men'i qilinishi qattiq eyiblen'gen we axirida xitay hökümitini bu xil qanunsiz qilmishlarni shertsiz toxtitishqa chaqiriq qilin'ghan.

Melum bolushiche, yawropa ottura asiya jem'iyitining ikki yilda bir ötküzülidighan yighini 27-iyundin 29-iyun'ghiche échilidighan bolup, Uyghurlar mesilisimu bu qétimqi yighinda alahide muhim témilar qataridin orun alghan. Bu bayanat élan qilin'ghandin kéyin jo'anné simis qatarliq köpligen alimlar buni qizghin alqishlighan.

Toluq bet