Лагердики уйғур аяллириниң туғмас қиливетилидиғанлиқи илгири сүрүлмәктә

Мухбиримиз әзиз
2019-08-13
Елхәт
Пикир
Share
Принт

Уйғурлар дияридики лагерларда көрүлүватқан вәһшийликләрдин ташқи дуняға анчә көп мәлум болмиған бири бу җайға қамалған қиз-аялларниң пәрзәнтлик болуш иқтидариниң кесип ташлиниши болуватқанлиқи мәлум.


Әнглийәдики «мустәқил» гезитиниң 13-авғуст санида елан қилинған бу һәқтики мақалида дәл мушу мәсилиләр баян қилиниду.

Аптор бу һәқтики әһвалларни ениқлаш җәрянида сабиқ мәһбуслардин гүлбаһар җелилова, меһригүл турсун қатарлиқ шаһитлар өзлири қамақтики мәзгилләрдә сәвәбсизла окул урулғанлиқини, шу әһваллардин кейин көп қисим аялларниң һейиз көрмәс болуп қалғанлиқини сөзләп бәргән. Меһригүл турсун бу һәқтә сөз болғанда: «улар мәҗбурлап йегүзгән дориларни йегәндин кейин һәптә-һәптиләп мағдуримиздин кетимиз. Хатиримизму бирақла аҗизлап кетиду» дәйду. Мақалидә ейтилишичә, әмма у америкиға қәдәм басқандин кейин андин дохтурлар арқилиқ өзиниң аллиқачан туғмас қиливетилгәнликини байқиған.

Тарихий һөҗҗәтләрдин мәлум болушичә, аялларниң әвлад қалдуруш иқтидарини кесип ташлаш чариси иккинчи дуня уруши мәзгилидә натсистлар германийси көпләп қолланған усулларниң бири икән. Буниңда улар «саламәтлик тәкшүрүш» намида аялларниң балиятқусиға һәр хил химийәлик суюқлуқларни окул қилип уруветидиған болуп, мушу усулда аз дегәндиму 500 миң йәһудий аял туғмас қиливетилгәникән.

Пикирләр (0)
Share
Толуқ бәт