Хәлқара мәтбуатлар лүкчүн вәқәсидә мустәқил тәкшүрүш елип беришниң муһимлиқини тәкитләшти

2013-06-27
Елхәт
Пикир
Share
Принт

27 - Июл күни пичанниң лүкчүн базирида қанлиқ вәқә йүз бәргәндин кейин, вәқә әнгилийә, австралийә, түркийә, японийә қатарлиқ дөләт мәтбуатлириниң һәммисидә кәң орун алди. Хәвәрләрдә, хитай ахбаратлиридин пәрқлиқ һалда районниң омумий вәзийити, уйғурларниң хитай һөкүмитиниң сиясәтлиригә болған наразилиқниң күчийиватқанлиқи вә бу һәқтә чәтәлләрдики уйғур тәшкилатлири вә көзәткүчиләрниңму пикирлири берилди. Бүгүн сәуди әрәбистанда чиқидиған «сәуди гезити» дә елан қилинған башмақалидә болса хитай һөкүмитигә бәзи тәвсийәләр берилди.

Мақалигә «бейҗиң һөкүмити уйғурларниң наразилиқини чоқум диққәткә елиши керәк» дәп мавзу қоюлған болуп, униңда хәлқарада иқтисадий вә сиясиий тәсири ешип бериватқан хитай һөкүмитиниң буниңға яриша мәсулийәтлириниму ада қилиши керәклики тәкитләнгән. Мақалидә «хитай һөкүмити чоқум уйғурларниң дәрдини аңлиши керәк. Районда мустәқил органларниң тәкшүрүш елип беришиға йол қоюш, йәрлик һөкүмәтләрниң қандақ иш биҗириватқанлиқини тәкшүрүш, мәсилиләрни һәл қилиш үчүн яхши бир башлиниш болуши мумкин» дейилгән.

Сәуди гезитидики башмақалидә йәнә, хитай һөкүмитиниң мустәқил органлар тәкшүргән әһвалларни бир доклат қилип тәйярлиши вә буни елан қилиши керәклики оттуриға қоюлған.

Пикирләр (0)
Share
Толуқ бәт