Xelq'ara metbu'atlar lükchün weqeside musteqil tekshürüsh élip bérishning muhimliqini tekitleshti

2013-06-27
Élxet
Pikir
Share
Print

27 - Iyul küni pichanning lükchün bazirida qanliq weqe yüz bergendin kéyin, weqe en'giliye, awstraliye, türkiye, yaponiye qatarliq dölet metbu'atlirining hemmiside keng orun aldi. Xewerlerde, xitay axbaratliridin perqliq halda rayonning omumiy weziyiti, Uyghurlarning xitay hökümitining siyasetlirige bolghan naraziliqning küchiyiwatqanliqi we bu heqte chet'ellerdiki Uyghur teshkilatliri we közetküchilerningmu pikirliri bérildi. Bügün se'udi erebistanda chiqidighan "Se'udi géziti" de élan qilin'ghan bashmaqalide bolsa xitay hökümitige bezi tewsiyeler bérildi.

Maqalige "Béyjing hökümiti Uyghurlarning naraziliqini choqum diqqetke élishi kérek" dep mawzu qoyulghan bolup, uningda xelq'arada iqtisadiy we siyasi'iy tesiri éship bériwatqan xitay hökümitining buninggha yarisha mes'uliyetlirinimu ada qilishi kérekliki tekitlen'gen. Maqalide "Xitay hökümiti choqum Uyghurlarning derdini anglishi kérek. Rayonda musteqil organlarning tekshürüsh élip bérishigha yol qoyush, yerlik hökümetlerning qandaq ish bijiriwatqanliqini tekshürüsh, mesililerni hel qilish üchün yaxshi bir bashlinish bolushi mumkin" déyilgen.

Se'udi gézitidiki bashmaqalide yene, xitay hökümitining musteqil organlar tekshürgen ehwallarni bir doklat qilip teyyarlishi we buni élan qilishi kérekliki otturigha qoyulghan.

Toluq bet