Lyu shawboning chet'eldiki qollighuchiliri herxil shekilde teziye bildürüshti

Muxbirimiz shöhret hoshur
2017-07-19
Élxet
Pikir
Share
Print

Nobél sahibi lyu shawbo wapat bolghandin kéyin, xitayning teqib we nazaretliri sewebidin, uning xitay chong quruqluqidiki qollighuchiliri awazini chiqirishqa muweppeq bolalmidi, emma uning chet'ellik qollighuchiliri her xil shekillerde teziyelirini bildürüshmekte.

Taratqulardiki xewerlerdin melum bolushiche lyu shawboning jesiti köydürülüp shenbe küni dalyen shehirining tinch okyan qirghiqidiki yolwas sahilida jeset küli déngizgha chéchilghan. Lyu shawboning nyuyork we sidnéydiki bir qisim qollighuchiliri déngiz yaqilirigha bérip resim körgezmisi qilish we mersiye oqush sheklide teziye bildürse, yene köpligen qollighuchiliri ijtima'iy taratqularda teziye bildürgen.

Pakistanliq nobél tinchliq mukapati sahibi malala yosupzade bügün lyu shawbo heqqide bir bayanat élan qilip, u kishilerning erkinlikini chekligen herqandaq bir hökümetni eyibleydighanliqini bildürgen we kishilerni lyu shawboning rohidin öginip öz xelqining erkinliki üchün küresh qilishqa dewet qilghan.

Dunya Uyghur qurultiyi re'isi rabiye qadir xanimmu lyu shawboning wapatigha qarita bir teziyename élan qilghandin bashqa "Lyu shawboning ölümidin oylighanlirim" mawzuluq bir tesirat maqalisi élan qilip xitay dölet re'isi shi jinpingning ölüm aldidiki bir öktichigimu merhemet qilmighanliqini gheyriy insaniyliq dep eyibligen.

Toluq bet