Хитай һөкүмити мәрдан ғаппар һәққидики соалларға җаваб бәрди

Мухбиримиз әзиз
2020-08-18
Елхәт
Пикир
Share
Принт

Өткән һәптидә һәрқайси ахбарат вастилиридин кәң йәр алған уйғур модел йигит мәрдан ғаппарниң тутқун һалитидики син көрүнүши хитай һөкүмитиниң уйғур дияридики бастуруш паалийити һәққидә чоң бир бәс-муназиригә сәвәб болған иди. Аридин узун өтмәй хитай һөкүмити тездин буниңға инкас қайтуруп, бу һәқтики учурларни инкар қилди.

BBC Агентлиқиниң 18-авғусттики хәвиридә ейтилишичә, уйғур аптоном районлуқ һөкүмәт уларниң соаллириға язма инкас қайтуруп «‹җоңхуа хәлқ җумһурийити түрмә әмгәк қануни' ниң 37-маддиси бойичә хәлқ һөкүмити түрмидин қоюп берилгән җинайәтчиләрни маканлаштуриду. Бу җәрянда мәрдан ғаппар өзигә зиянкәшлик қилиш характеридики һәддидин ашқан һәркәттә болғачқа ‍униңға ашундақ қануний тәдбирләр қоллинилған,» дейилгән. 

Әмма мәрдан ғаппарниң голландийәдики тағиси абдулһәким ғаппар буни рәт қилип: «мәрданниң фошән шәһридә өйи бар. Әгәр уни маканлаштурса немә үчүн фошән шәһригә маканлаштурмай кучаға қайтуруп келиду?» дәп соал қойиду. Шундақла бу әйибләшләрни пүтүнләй ялған, дәп қарайдиғанлиқини билдүриду. Җорҗитавн университетиниң профессори җеймис милвард хитай һөкүмитиниң инкасини көргәндин кейин: «буниңда улар мәрдан дуч кәлгән куча наһийәлик сақчи идарисидики қәбиһликкә һечқандақ җаваб бәрмигән,» дәйду.

Пикирләр (0)
Share
Толуқ бәт