Xitay hökümiti merdan ghappar heqqidiki so'allargha jawab berdi

Muxbirimiz eziz
2020-08-18
Élxet
Pikir
Share
Print

Ötken heptide herqaysi axbarat wastiliridin keng yer alghan Uyghur modél yigit merdan ghapparning tutqun halitidiki sin körünüshi xitay hökümitining Uyghur diyaridiki basturush pa'aliyiti heqqide chong bir bes-munazirige seweb bolghan idi. Aridin uzun ötmey xitay hökümiti tézdin buninggha inkas qayturup, bu heqtiki uchurlarni inkar qildi.

BBC Agéntliqining 18-awghusttiki xewiride éytilishiche, Uyghur aptonom rayonluq hökümet ularning so'allirigha yazma inkas qayturup "'jongxu'a xelq jumhuriyiti türme emgek qanuni' ning 37-maddisi boyiche xelq hökümiti türmidin qoyup bérilgen jinayetchilerni makanlashturidu. Bu jeryanda merdan ghappar özige ziyankeshlik qilish xaraktéridiki heddidin ashqan herkette bolghachqa ‍uninggha ashundaq qanuniy tedbirler qollinilghan," déyilgen. 

Emma merdan ghapparning gollandiyediki taghisi abdulhekim ghappar buni ret qilip: "Merdanning foshen shehride öyi bar. Eger uni makanlashtursa néme üchün foshen shehrige makanlashturmay kuchagha qayturup kélidu?" dep so'al qoyidu. Shundaqla bu eyibleshlerni pütünley yalghan, dep qaraydighanliqini bildüridu. Jorjitawn uniwérsitétining proféssori jéymis milward xitay hökümitining inkasini körgendin kéyin: "Buningda ular merdan duch kelgen kucha nahiyelik saqchi idarisidiki qebihlikke héchqandaq jawab bermigen," deydu.

Pikirler (0)
Share
Toluq bet