Йоқап кәткән малайшия айропиланидики йолучиларниң аилә - тавабиатлири бейҗиңда намайиш қилди

Мухбиримиз әркин
2014-12-19
Елхәт
Пикир
Share
Принт


Җүмә күни, из - дерәксиз йоқап кәткән MH370 намлиқ малайшия айропиландики хитай йолучиларниң аилә тавабиатлиридин 30 дәк киши хитай ташқи ишлар министирлиқи алдида намайиш қилип, хитай һөкүмитигә наразилиқ билдүргән.

Намайишчилар һөкүмәтниң йолучилар аилә тавабиатлириға ғайиб айропиланни издәш әһвали һәққидә учур билән тәминләп турмиғанлиқини әйиблигән.

MH370 Номуулуқ йолучилар айропиландики 239 йолучиниң 3 дән 2 қисми хитайлар иди.

Йолучиларниң арисида йәнә, малайшияни зиярәт қилип қайтқан мәмәтҗан исимлик бир уйғур рәссам бала бар иди.

Бейҗиңға қарап кетиватқан йолучилар айропилани бу йил 7 - март җәнубий деңизда ғайиб болған.

Һалбуки, айропилан вә йолучиларниң һазирғичә һечқандақ из дерики тепилмиған. Бу, дуняда һәр хил пәрәз вә гуманларни пәйда қилған иди. Нөвәттә, малайшия, австралийә қатарлиқ дөләтләр нишанини һинди окянға қаритип, айропилан қалдуқини давамлиқ издәватиду.

Җүмә күни, хитай ташқи ишлар министирлиқи алдида намайиш қилған бир аял йолучилар аилә тавабиати франсийә агентлиқиға сөзләп, «мениң оғлум техи һаят, мән һөкүмәтниң уни издәш үчүн немә қиливатқанлиқини билмәкчи» дегән.

Франсийә агентлиқиниң билдүрүшичә, һечқандақ җавабқа еришәлмигән намайишчилар бир мәһәл туруп тарқилип кәткән.

Пикирләр (0)
Share
Толуқ бәт