Yoqap ketken malayshiya ayropilanidiki yoluchilarning a'ile - tawabi'atliri béyjingda namayish qildi

Muxbirimiz erkin
2014-12-19
Élxet
Pikir
Share
Print


Jüme küni, iz - déreksiz yoqap ketken MH370 namliq malayshiya ayropilandiki xitay yoluchilarning a'ile tawabi'atliridin 30 dek kishi xitay tashqi ishlar ministirliqi aldida namayish qilip, xitay hökümitige naraziliq bildürgen.

Namayishchilar hökümetning yoluchilar a'ile tawabi'atlirigha ghayib ayropilanni izdesh ehwali heqqide uchur bilen teminlep turmighanliqini eyibligen.

MH370 Nomu'uluq yoluchilar ayropilandiki 239 yoluchining 3 den 2 qismi xitaylar idi.

Yoluchilarning arisida yene, malayshiyani ziyaret qilip qaytqan memetjan isimlik bir Uyghur ressam bala bar idi.

Béyjinggha qarap kétiwatqan yoluchilar ayropilani bu yil 7 - mart jenubiy déngizda ghayib bolghan.

Halbuki, ayropilan we yoluchilarning hazirghiche héchqandaq iz dériki tépilmighan. Bu, dunyada her xil perez we gumanlarni peyda qilghan idi. Nöwette, malayshiya, awstraliye qatarliq döletler nishanini hindi okyan'gha qaritip, ayropilan qalduqini dawamliq izdewatidu.

Jüme küni, xitay tashqi ishlar ministirliqi aldida namayish qilghan bir ayal yoluchilar a'ile tawabi'ati fransiye agéntliqigha sözlep, "Méning oghlum téxi hayat, men hökümetning uni izdesh üchün néme qiliwatqanliqini bilmekchi" dégen.

Fransiye agéntliqining bildürüshiche, héchqandaq jawabqa érishelmigen namayishchilar bir mehel turup tarqilip ketken.

Toluq bet