Amérika mu'awin prézidénti mayk pensning sözi xitayni qattiq bi'aram qildi

Muxbirimiz erkin
2019-10-26
Élxet
Pikir
Share
Print

Amérikaning mu'awin prézidénti mayk pensning 24‏-öktebir washin'gtondiki eqil ambiri ‏- wilson merkizide sözligen amérikaning xitay siyasiti heqqidiki nutqi xitay hökümitini qattiq bi'aram qilghan. Xitay tashqi ishlar ministirliqi 25‏-öktebir mayk pensning sözige inkas qayturup, uning sözlirini "Tekebburluq", "Ikki yüzlimichilik" bilen eyibligen.

Mayk pens peyshenbe küni wilson merkizide sözligen nutqida, xitayning qerz diplomatiyesi, herbiy kéngeymichilik, diniy erkinlikni basturush, nazaret döliti berpa qilish siyasiti yürgüzüp, , erkin soda we adil riqabet prinsiplirigha xilapliq qilip kéliwatqanliqi, amérikaning menpe'eti we qimmet ölchimige buzghunchiliqi qiliwatqanliqini tekitligen. 

U nutqida yene Uyghurlarni tilgha élip, "Xitaydiki milyonlighan étnik milletler we diniy az sanliq guruppilar (kommunistik )partiyening diniy étiqadi we medeniyitini yoqitish urunushigha qarshi tirkelmekte. Xitay kompartiyesi xristiyan poplirini tutqun qilip, injil sétishni cheklidi. Chérkaw we meschitlerni chéqip, bir milyondin artuq musulman Uyghurni qamidi. Biz béyjingni uning shinjangdiki az sanliq musulman xelqlerge tutqan mu'amilisini jawabkarliqqa tarttuq. Prézidént tramp téxi ötken aydila xitay kompartiyesi emeldarlirigha wiza cheklimisi qoyup, Uyghur we bashqa musulman az sanliq milletlerni basturghan we uninggha hemkarlashqan 20 xitay j x idarisi we 8 xitay shirkitige imbargo yürgüzduq" dégenidi. 

Fransiye agéntliqining xewer qilishiche, xitay tashqi ishlar ministirliqi bayanatchisi xu'a chünying jüme küni amérikaning "Mes'uliyetsiz pikirde bolushni toxtitishi" ni telep qilghan. U, amérikaning "Pütün exlaq iznalirini we ishenchilikligi" ni yoqatqanliqini, washin'gtonning "Ikki dölet munasiwiti we öz ara ishenchke ziyan sélishni toxtitishi" ni telep qilidighanliqini bildürgen. 

Bu, mayk pensning yéqinqi bir yil ichide 2‏-qétim nutuq sözlep, amérikaning xitay siyasitini sherhilishi we her ikki qétimda Uyghurlarni alahide tilgha élishidur.

Toluq bet