Мисир мусулман қериндашлар тәшкилати хәлқни омумий наразилиқ көрситишкә чақирди

Мухбиримиз әркин
2013-08-15
Елхәт
Пикир
Share
Принт

Мисир мусулман қериндашлар тәшкилати пәйшәнбә күни чақириқ елан қилип, президент муһәммәт мурсиниң қоллиғучилирини бастурушқа қаримай, давамлиқ наразилиқ билдүрүшкә чақирди.

Хәвәрләрдин мәлум болушичә, мисир һәрбий даирилириниң мурсичиларни бастуруш һәрикитидә һазирғичә 500 дин артуқ адәм өлгән. Лекин, мусулман қериндашлар өлгәнләрниң 2200 дин ашидиғанлиқи вә 10 миңдин артуқ адәм яриланғанлиқини билдүрмәктә.

Мусулман қериндашлар қоллиғучилирини пәйшәнбә күни қаһирәдики әл - иман мәсчитигә йиғилип, «уруқ - туғқанлириниң өлтүрүлүшигә наразилиқ билдүрүш» кә чақирди.

Президент обама пәйшәнбә күни мисирдики зораванлиқни қаттиқ тәнқид қилип, америка - мисир арисида өткүзүлидиған һәрбий маневирни бикар қилди. У, пуқралар өлтүрүлүватқан әһвал астида һәмкарлиқ елип берилмайдиғанлиқини билдүрди.

Германийә, әнглийә, фирансийә қатарлиқ дөләтләр мисирда турушлуқ әлчилирини чақиртивелип, өзлириниң әндишисини ипадилигән.

Лекин, түркийә һазирға қәдәр мисирдики бастурушни әң қаттиқ тәнқид қилған дөләт. Түркийә баш министири әрдоған бастурушни «интайин еғир қирғинчилиқ» дегән вә хәвпсизлик кеңишини арилишишқа чақирған.

Б д т кишилик һоқуқ алий комиссари нави пиллай, хәлқара мустәқил тәкшүрүш елип беришни тәләп қилған.

Бирақ, мисир баш министири һөкүмәтниң мурси тәрәпдарлирини бастурғанлиқини ақлап: һәрикәт қоллиништин башқа чаримиз йоқ, дегән.

Пикирләр (0)
Share
Толуқ бәт