Хитай даирилири мисирдики зораванлиқини пәрдазлаш үчүн искәндирийәдиму оюн қойди

Мухбиримиз шөһрәт һошур
2017-07-12
Елхәт
Пикир
Share
Принт

Өткән һәптә мисирда уйғур оқуғучилар вә уларниң аилә-тавабиатиға қарита тутқун давам қиливатқан мәзгилдә, хитай даирилири пайтәхт қаһирәдә «җуңгони чүшиниш» дегән темида мәдәнийәт паалийити өткүзүп, аталмиш шинҗаң сәнити вә музикисини көргәзмә қилған иди.

Мисирдики уйғур оқуғучиларниң бихәтәрлики һәққидә хәлқара чақириқлар вә қутқузуш һәрикәтлири давам қиливатқан бу һәптә ичидә, хитай тәрәп мисирниң искәндирийә шәһиридиму йәнә шу хил мәдәнийәт паалийитини өткүзгән. 10-Июл өткүзүлгән бу паалийәтниң ечилиш мурасимиға хитай дөләтлик ахбарат ишханиси, уйғур аптоном районлуқ хәлқ һөкүмити вә хитайниң мисир әлчиханиси вә искәндирийә районлуқ һөкүмәт қатарлиқларниң хадимлири иштирак қилған.

Мәлум болушичә, даириләр көргәзмә паалийитидә аталмиш көп милләт мәдәнийитини тәшвиқ қилиш арқилиқ уйғурларниң райондики игилик һоқуқини инкар қилишқа тиришса, йәнә бир тәрәптин район вәзийитиниң тинч вә иттипақлиқини илгири сүрүшкә урунған. Бу һәқтә пикир баян қилған америкада яшаватқан сиясий көзәткүчи учқунҗан әпәнди, хитайниң искәндирийәдә қойған оюнини мисирда уйғур оқуғучиларға мисир сақчилири арқилиқ йүргүзүватқан зораванлиқини пәрдазлаш үчүн икәнликини оттуриға қойди.

Хитай даирилири өткән һәптә уйғур районидики қорчақ әмәлдарлардин әркин туниязни мисирға әвәтип уйғур вәзийити һәққидә мәлумат бәргүзгән иди.

Пикирләр (0)
Share
Толуқ бәт