Xitay da'iriliri misirdiki zorawanliqini perdazlash üchün iskendiriyedimu oyun qoydi

Muxbirimiz shöhret hoshur
2017-07-12
Élxet
Pikir
Share
Print

Ötken hepte misirda Uyghur oqughuchilar we ularning a'ile-tawabi'atigha qarita tutqun dawam qiliwatqan mezgilde, xitay da'iriliri paytext qahirede "Junggoni chüshinish" dégen témida medeniyet pa'aliyiti ötküzüp, atalmish shinjang sen'iti we muzikisini körgezme qilghan idi.

Misirdiki Uyghur oqughuchilarning bixeterliki heqqide xelq'ara chaqiriqlar we qutquzush heriketliri dawam qiliwatqan bu hepte ichide, xitay terep misirning iskendiriye shehiridimu yene shu xil medeniyet pa'aliyitini ötküzgen. 10-Iyul ötküzülgen bu pa'aliyetning échilish murasimigha xitay döletlik axbarat ishxanisi, Uyghur aptonom rayonluq xelq hökümiti we xitayning misir elchixanisi we iskendiriye rayonluq hökümet qatarliqlarning xadimliri ishtirak qilghan.

Melum bolushiche, da'iriler körgezme pa'aliyitide atalmish köp millet medeniyitini teshwiq qilish arqiliq Uyghurlarning rayondiki igilik hoquqini inkar qilishqa tirishsa, yene bir tereptin rayon weziyitining tinch we ittipaqliqini ilgiri sürüshke urun'ghan. Bu heqte pikir bayan qilghan amérikada yashawatqan siyasiy közetküchi uchqunjan ependi, xitayning iskendiriyede qoyghan oyunini misirda Uyghur oqughuchilargha misir saqchiliri arqiliq yürgüzüwatqan zorawanliqini perdazlash üchün ikenlikini otturigha qoydi.

Xitay da'iriliri ötken hepte Uyghur rayonidiki qorchaq emeldarlardin erkin tuniyazni misirgha ewetip Uyghur weziyiti heqqide melumat bergüzgen idi.

Toluq bet