"Muhapizetchi" géziti: "Süküt qilish ölgenliktur"

Muxbirimiz jewlan
2020-11-11
Élxet
Pikir
Share
Print

9-Noyabir küni en'giliyede chiqidighan "Muhapizetchi" gézitide éwirt hobis (Everett Hobbs) imzasida "Süküt qilish ölgenliktur" namliq bir mektub élan qilin'ghan bolup, mezkur mektubta ötken esirde gérmaniye natsist hökümitining yehudiylarni yoqitish üchün yürgüzgen irqiy qirghinchiliqi tarixtiki eng chong jinayet dep körsitilgen we mundaq déyilgen: "Bügün kommunist xitay hökümiti Uyghurlarni yoqitish üchün bizning köz aldimizda del ashundaq jinayet sadir qiliwatidu. Emma dunya bu jinayetke yene bir qétim süküt qiliwatidu.

Héchqandaq dölet emeliy heriket qollanmaywatidu, belki xitay bilen bolghan iqtisad, soda hemkarliqini dawamlashturuwatidu. Rezillikke, jinayetke süküt qilish uni sadir qiliwatqan jinayetchini qollighanliqtur؛ eger shundaq qilsaq, bügün Uyghurlarning béshigha kelgen kün ete yene bir ajiz xelqning béshigha kélishi mumkin, biz martin nimollérning töwendiki sözini yene bir anglap baqayli: 'ular sotsiyalizimchilarni tutqili keldi, men gep qilmidim, chünki men sotsiyalizimchi emes idim؛ andin ular ishchilar uyushmisi ezalirini tutqili keldi, buningghimu gep qilmidim, chünki men ishchilar uyushmisining ezasi emes idim؛ andin ular yehudiylarni tutqili keldi, men yene gep qilmidim, chünki men yehudiy emes idim؛ andin ular méni tutqili keldi, bu chaghda men üchün gep qilidighan héchkim qalmidi."

Toluq bet