Аяғниң ичидин тепивелинған «мураҗиәт хети» кишилик һоқуқ мутәхәссислирини агаһландурди

Мухбиримиз нуриман
2020-11-18
Елхәт
Пикир
Share
Принт

«Москва вақти гезити» ниң 18-ноябир бәргән хәвиригә асасланғанда, алдинқи пәйшәнбә күни санкит петербургда яшайдиған арслан гибадулин исимлик киши тор арқилиқ сетивалған The North Face маркилиқ тәнтәрбийә айиғиниң ичидин, аяғниң ички қисмиға тикиветилгән бир қисқа хәтни байқиған. Хәттә мундақ йезилған: «ярдәм қилиң, мән хитайдики түрмидә, уйғурға ярдәм қилиң».

«Москва вақти гезити» йәнә бу вәқәниң дуня мода санаитиниң хитайдики «уйғур мәҗбурий әмгәк күчи» гә четилидиғанлиқини испатлайдиған, бу йил ичидә байқалған үчинчи қетимлиқ вәқә икәнликини әскәрткән.

Мәлум болушичә, 180 кишилик һоқуқ тәшкилати бирләшмиси июлда доклат елан қилип, йәршари мода санаитиниң асасән дегүдәк хитайниң уйғур елидики «уйғур мәҗбурий әмгәк күчи» гә шерик икәнликини тәкитлигән.

Австралийә истратегийәлик сиясәт институти бу йил мартта 82 дин артуқ даңлиқ маркилиқ мәһсулатниң уйғур мәҗбурий әмгикидин пайдилинидиғанлиқи, 2017-йилидин 2019-йилиғичә хитай һөкүмитиниң 80 миңдин артуқ уйғурни хитайниң ичкири өлкиләрдики завутларға йөткигәнликини ашкарилиғаниди.

Пикирләр (0)
Share
Толуқ бәт