Назарбайеф: явро-асия иқтисадий иттипақи совет иттипақини тирилдүрүш үчүн әмәс

Мухбиримиз үмидвар
2018-01-07
Елхәт
Пикир
Share
Принт

Қазақистан президенти нурсултан назарбайеф «явро-асия иқтисадий иттипақи» қурушниң совет иттипақини «қайтидин қуруш» билән һечқандақ мунасивити йоқлуқини тәкитлигән.

У, бу сөзлирини өзиниң йеңидин нәшр қилған «мустәқиллиқ ераси» намлиқ китабида тәкитлигән. Оттура асия хәвәрлири торида қәйт қилинишичә, нурсултан назарбайеф явро-асия иқтисадий иттипақини қурушниң һәргизму сабиқ совет иттипақини әслигә кәлтүрүш әмәсликини өзиниң 2011-йилила тәкитлигәнликини әскәртип, шу вақтида өзиниң «совет иттипақи һечқачан әслигә кәлтүрүлмәйду вә яки тирилдүрүлмәйду, бу пәқәт өтмүшниң хам хияли, гуман вә һаянкәшликтин ибарәт» дәп көрсәткәнликини оттуриға қойған.

Явро-асия иқтисадий иттипақи русийә президенти владимир путин тәрипидин тәшәббус қилинған болуп, хәлқарада путинниң тәшәббуси билән қурулған мәзкур «иттипақ» ни совет иттипақини әслигә кәлтүрүш вә яки совет иттипақидин айрилип чиққан бир қисим җумһурийәтләр, җүмлидин оттура асия җумһурийәтлири қайтидин йеңичә шәкилдә русийәниң рәһбәрликидики бир сиясий-иқтисадий иттипаққа топлаш дәйдиған түрлүк қарашлар давамлашмақта иди. 

Явро-асия иқтисадий иттипақи 2015-йили 1-январдин етибарән ишқа киришкән болуп, русийә, әрменийә, беларусийә, қазақистан, қирғизистан қатарлиқ дөләтләр униң әзасидур. Нөвәттә, бу иттипақ бирликкә кәлгән тәбиий газ вә ортақ нефит базири қурмақчи болуп, өткән һәптә бу мәсилиләр музакирә қилинған иди.

Пикирләр (0)
Share
Толуқ бәт