Чиңдавдики нефит турубиси партлаш вәқәсигә четишлиқ 9 нәпәр һөкүмәт хадими хизмитидин тохтитилди

Мухбиримиз меһрибан
2013-11-26
Елхәт
Пикир
Share
Принт

22-Ноябир җүмә күни чиңдавда нефит туруба йоли партлап 55 адәм өлгәндин кейин, нефит турубиси партлаш вәқәсидә мәсулийити еғир дәп қаралған йәттә әмәлдар, 2 нәпәр техник хадим хизмитидин тохтитилип, тәкшүрүшкә йолланған.

Мәлум болушичә, җүмә күни әтигән йүз бәргән бу партлашта 55 адәм өлгәндин башқа йәнә 100 нәччә адәм ярилинип,9 адәм ғайиб болған. Қаттиқ партлаш йолларни йеривәткән болуп, шәһәрниң башқа җайлирида газ, су вә ток тохтап қалған.

Даириләр 18 миң адәмни партлаш районидин тарқақлаштурған. Чиңдав шәһәрлик муһит идариси җүмә күни, деңизға нефит еқип кетиш һадисиси көрүлмигәнликини билдүргән болсиму, әмма 3000 квадрат метирдин 5000 квадрат метир даиридики деңизға еқип кәткән нефитниң контрол қилинғанлиқини хитай ахбарат васитилири өзи хәвәр қилған.

Даириләр вәқә йүз бәргәндин кейин елан қилған җиддий уқтурушида партлашниң «террорлуқ һуҗуми әмәс» ликини алаһидә әскәрткән иди.

Толуқ бәт