Chingdawdiki néfit turubisi partlash weqesige chétishliq 9 neper hökümet xadimi xizmitidin toxtitildi

Muxbirimiz méhriban
2013-11-26
Élxet
Pikir
Share
Print

22-Noyabir jüme küni chingdawda néfit turuba yoli partlap 55 adem ölgendin kéyin, néfit turubisi partlash weqeside mes'uliyiti éghir dep qaralghan yette emeldar, 2 neper téxnik xadim xizmitidin toxtitilip, tekshürüshke yollan'ghan.

Melum bolushiche, jüme küni etigen yüz bergen bu partlashta 55 adem ölgendin bashqa yene 100 nechche adem yarilinip,9 adem ghayib bolghan. Qattiq partlash yollarni yériwetken bolup, sheherning bashqa jaylirida gaz, su we tok toxtap qalghan.

Da'iriler 18 ming ademni partlash rayonidin tarqaqlashturghan. Chingdaw sheherlik muhit idarisi jüme küni, déngizgha néfit éqip kétish hadisisi körülmigenlikini bildürgen bolsimu, emma 3000 kwadrat métirdin 5000 kwadrat métir da'iridiki déngizgha éqip ketken néfitning kontrol qilin'ghanliqini xitay axbarat wasitiliri özi xewer qilghan.

Da'iriler weqe yüz bergendin kéyin élan qilghan jiddiy uqturushida partlashning "Térrorluq hujumi emes" likini alahide eskertken idi.

Toluq bet