Ningshya da'irilirining Uyghur éli bilen "Térrorluqqa qarshi hemkarliq kélishimi" imzalishi küchlük diqqet qozghidi

Muxbirimiz irade
2018-11-29
Élxet
Pikir
Share
Print

Xitayning hökümet awazi bolghan "Yershari waqti géziti" de élan qilin'ghan "Ningshiya térrorluqqa qarshi küresh qilishni shinjangdin öginiwatidu" mawzuluq xewer maqalisi küchlük diqqet qozghidi.

27-Noyabir küni élan qilin'ghan mezkur xewerde éytilishiche, ningshiya tunggan aptonom rayonluq partkomning sékrétari jang yünshéng yéqinda Uyghur élini ziyaret qilip, rayonning térrorluqqa qarshi turup, muqimliqni qoghdash tejribilirini ögen'gen we tekshürüshte bolghan. Ziyaret axirida ningshiya bilen Uyghur éli arisida "Térrorluqqa qarshi turush hemkarliq kélishimi" maqullan'ghan.

Yuqiriqi bu xewer tiwittér torida küchlük inkas qozghidi. Xitayning weziyitini közitip kéliwatqan nurghun közetküchiler yuqiriqi bu xewerni ningshyadiki musulman ahalisiningmu Uyghurlargha oxshash aqiwetlerge duchar bolidighanliqining béshariti dep qarashti.

Xitay hökümiti "Térrorluq" we "Radikalliq" qa qarshi turush nami bilen bir milyondin oshuq Uyghurni lagérgha solighandin kéyin, musulman ahale köp sanliqni teshkil qilidighan ningshiya we gensu qatarliq jaylardimu "Diniy esebiylik" we "Bölgünchilik" ke qarshi turush namida islam dinini qattiq qolluq bilen kontrol qiliwatqanliqi, tunggan ahalilirining dini erkinlikiningmu ilgirikidin köp halda chékin'genliki melum bolghan idi.

"Tashqi siyaset" zhurnilida élan qilin'ghan bir xewerde éytilishiche, xitayda eng keng qollinilidighan "Ündidar" epining supiliri musulmanlar we islamgha qarshi teshwiqatlar bilen toshup ketken bolup, adette uchur qamal qilishta eng ilghar sewiyege ige bolghan xitay hökümitining bu uchurlarni körmeske sélishi diqqet qozghaydiken.

Toluq bet