Xongkongdiki bir türküm ahaliler nobél sahibi lyu shawboning 60 yashqa kirgenlikini tebriklidi

Muxbirimiz shöhret hoshur
2015-12-28
Élxet
Pikir
Share
Print

28-Dékabir küni türmidiki siyasiy öktichi, nobél sahibi lyu shawboning 60 yashqa kirgen küni bolup, bu munasiwet bilen xongkongdiki wetenperwer démokratlar birleshmisi lyu shawboning 60 yashqa tolghanliq tughulghan kün xatirisini ötküzgen.

Xatirilesh pa'aliyiti nechche onlighan kishining qétilishi bilen xongkongdiki tonglu'en dewr meydanida ötküzülgen. Amérika awazi radi'osining bügünki bu heqtiki xewiride bayan qilishiche, pa'aliyetke qatnashquchilar lyu shawbo üchün tughulghan kün naxshisini we mexsus lyu shawboning kishilik hoquq üchün töligen bedilini medhiyilep özliri ijat qilghan naxshini éytqan.

Pa'aliyet dawamida "Lyu shawbo qoyup bérilsun" dégen sho'ar toxtimay dawam qilghan. Pa'aliyetchiler axbarat bayanatida lyu shawbo we a'ilisining xitay da'irilirining zorawanliqigha izchil halda yoluqup kéliwatqanliqini, emma kishilik hoquq pa'aliyetchilirining lyu shawboni qollash pa'aliyitiningmu toxtimaydighanliqini bildürgen.

Bayanatta yene, bu tebriklesh pa'aliyitining meqsiti nöwette xitaydiki bir partiye diktator tüzümining ziyankeshlikige uchrighan barliq kishiler üchün erkinlik telep qilish ikenliki eskertilgen.

Toluq bet