Nurbekri partkom mu'awin sékritariliq wezipisidin qalduruldi

Muxbirimiz méhriban
2014-12-30
Élxet
Pikir
Share
Print


Xitay da'irilirining Uyghur aptonom rayonining re'isi nur bekrining partkomdiki wezipilirini Uyghur aptonom rayonluq xelq qurultiyining da'imiy hey'et bashliqi shöhret zakir ötküzüwalidighanliqini élan qilishi diqqet qozghidi.

Shinjang gézitining 30 - dékabirdiki xewiride nurbekrining Uyghur aptronom rayonluq partkomning mu'awin sékritarliq wezipisidin qaldurulghanliqi tilgha élin'ghan, emma uning Uyghur aptonom rayonining re'islik wezipisi heqqide toxtalmighan. Firansiye radi'osida weziyet analizchilirining sözi neqil élinip,"Ötken ikki yilda shinjangda zorawanliq weqeliri köpeydi. Xitay merkizi hökümitining 1961 - yili tughulghan nurbekrining xizmitini béyjinggha yötkep, 1953 - yili tughulghan shöhret zakirni uning ornigha teyinlishi pewquladde ehwal" déyildi.

Nurbekri 2007 - yildin buyan Uyghur aptonom rayonida re'isilik wezipisini 7 yil ötidi. Bu mezgilde xitay hökümitining milliy siyasitige qarshi 2009 - yilidiki 5 - iyul ürümchi naraziliq namayishi yüz berdi. 2010 - Yili xitay merkizi hökümiti rayon weziyitini kontrol qilish üchün shinjang xizmet yighini échip, Uyghur élini 19 - ölkining échishigha bölüp berdi. 2010 - Yili yene, parixorluq we qattiq siyaset yürgüzüsh bilen nami chiqqan Uyghur aptonom rayonining partkom sékritari wang léchüenni béyjinggha yötkep, uning ornigha xunen ölkisining partkom sékritari jang chünshyenni teyinlendi. Emma 2012 - yildin 2014 - yilghiche rayonda barghanche köpeygen qarshiliq heriketliri we qanliq toqunushlar Uyghur élini tinjimas zémin'gha aylandurup qoyghanliqi xelq'araning diqqitini qozghidi. Ötken ayda Uyghur aptonom rayonining partkom sékritari jang chünshyenning wezipisidin qaldurulidighanliq xewiri tarqalghan bolsimu, emma xitay merkizi hökümiti bu xewerni delillimigen idi.

Toluq bet