Obama bilen dalay lamaning yéqinda ochuq-ashkara yüz körishidighanliqi ilgiri sürülmekte

Muxbirimiz qutlan
2015-01-30
Élxet
Pikir
Share
Print

"Amérika awazi" radi'osi bilen "Dewr" zhurnilining xewirige qarighanda, amérika prézidénti barrak obama bilen tibetlerning rohaniy dahiysi dalay lamaning yéqinda ochuq-ashkara yüz körishidighanliqi bildürülmekte.

Xewerde déyilishiche, obama bilen dalay lamaning resmiy yüz körüshüshi 2-ayning 5-küni, yeni amérika boyiche ötküzülidighan memliketlik tilawet nashtiliqi pa'aliyitide bolidiken. Dalay lama gerche mezkur pa'aliyetke ochuq-ashkara teklip qilin'ghan bolsimu, lékin uning shu küni sözge chiqmaydighanliqi ilgiri sürülmekte.

Melum bolushiche, bu qétimliq uchrishish obamaning dalay lama bilen 4-qétimliq yüz körüshüshi hésablinidiken.

Béyjing da'irilirining bu heqtiki küchlük qarshiliqidin saqlinish üchün obama bilen dalay lamaning 5-féwral künidiki uchrishishigha héchqandaq muxbir teklip qilinmaydiken.

Toluq bet