Хотән язғучи-шаирлири уйғурларға очуқ хәт елан қилди

Мухбиримиз үмидвар
2017-04-16
Елхәт
Пикир
Share
Принт

Хотән вилайити даирилири мәзкур вилайәттики бир қисим әдибләрни коллектип имза қоюп, уйғур хәлқигә очуқ хәт елан қилишқа тәшкиллигән.

30 Әтрапида уйғур язғучи вә шаир имза қойған мәзкур очуқ хәт хитай тилида 15-апрел күни «шинҗаң гезити» дә елан қилинған болуп,очуқ хәт апторлири керийә наһийисидики обулқасим мәттурсуниң «уйғур қериндашларға хитаб»намлиқ очуқ хетигә маслишип, хотәндики, җүмлидин пүтүн уйғур дияридики уйғурларни аталмиш «милли бөлгүнчилиәр», «дини әсәбий унсурлар» вә «зораван террорчилар»ға қарши қәтий күрәш қилип, «муқимлиқ вә әбәдий әминликкә һәссә қошушқа» чақирған.

Хәттә: «уйғур қериндашлар биз һәммимиз җуңголуқ, бизниң әҗдадлиримизму җуңголуқ, бзниң әвладлиримизму әбәдий җуңголуқ болиду»дәп әскәртилгән.

Хотән уйғур язғучи-шаирлири уйғурларни ши җинпиңниң қурбан тулумниң қизиға қайтурған хетидики «силәрниң пүтүн аиләңлар қурбан тағиға охшаш давамлиқ юртдашлар билән биргә партийәни қизғин сөйүңлар, вәтәнни қизғин сөйүңлар, җуңхуа милләтлири чоң аилисини қизғин сөйүңлар» дегән бир қатар һавалисини «һәргиз йәрдә қоймаслиқ»қа чақирған.

Чәтәлләрдики бәзи уйғур әдиблириниң қаришичә, хотәндики мәзкур язғучи-шаирларниң уйғурларға елан қилған очуқ хети типик сиясий тәшвиқат болуп, бу мәхсус һөкүмәт тәрәптин имза қоюшқа тәшкилләнгән паалийәттин ибарәттур. Бу һәм йеқинқи вақитлардин буян барғансери күчәп давамлаштуриливатқан наһийә, вилайәт, назир дәриҗилик уйғур кадирлирини очуқ хәт елан қилишқа тәшкилләшниң әмди мәхсус уйғур әдәбият-сәнәт саһәсигә кеңәйтиливатқанлиқиниң ипадисидур. Униңдин илгири йәнә аптоном районлуқ әдәбият сәнәтчиләр бирләшмисиму язғучи ғәйрәт асим қатарлиқларниң башчилиқида аталмиш «уч хил күч»кә қарши күрәш қилиш чақириқи елан қилған иди.

Пикирләр (0)
Share
Толуқ бәт