Xoten yazghuchi-sha'irliri Uyghurlargha ochuq xet élan qildi

Muxbirimiz ümidwar
2017-04-16
Élxet
Pikir
Share
Print

Xoten wilayiti da'iriliri mezkur wilayettiki bir qisim ediblerni kolléktip imza qoyup, Uyghur xelqige ochuq xet élan qilishqa teshkilligen.

30 Etrapida Uyghur yazghuchi we sha'ir imza qoyghan mezkur ochuq xet xitay tilida 15-aprél küni "Shinjang géziti" de élan qilin'ghan bolup,ochuq xet aptorliri kériye nahiyisidiki obulqasim mettursuning "Uyghur qérindashlargha xitab"namliq ochuq xétige masliship, xotendiki, jümlidin pütün Uyghur diyaridiki Uyghurlarni atalmish "Milli bölgünchili'er", "Dini esebiy unsurlar" we "Zorawan térrorchilar"gha qarshi qet'iy küresh qilip, "Muqimliq we ebediy eminlikke hesse qoshushqa" chaqirghan.

Xette: "Uyghur qérindashlar biz hemmimiz junggoluq, bizning ejdadlirimizmu junggoluq, bzning ewladlirimizmu ebediy junggoluq bolidu"dep eskertilgen.

Xoten Uyghur yazghuchi-sha'irliri Uyghurlarni shi jinpingning qurban tulumning qizigha qayturghan xétidiki "Silerning pütün a'ilenglar qurban taghigha oxshash dawamliq yurtdashlar bilen birge partiyeni qizghin söyünglar, wetenni qizghin söyünglar, jungxu'a milletliri chong a'ilisini qizghin söyünglar" dégen bir qatar hawalisini "Hergiz yerde qoymasliq"qa chaqirghan.

Chet'ellerdiki bezi Uyghur ediblirining qarishiche, xotendiki mezkur yazghuchi-sha'irlarning Uyghurlargha élan qilghan ochuq xéti tipik siyasiy teshwiqat bolup, bu mexsus hökümet tereptin imza qoyushqa teshkillen'gen pa'aliyettin ibarettur. Bu hem yéqinqi waqitlardin buyan barghanséri küchep dawamlashturiliwatqan nahiye, wilayet, nazir derijilik Uyghur kadirlirini ochuq xet élan qilishqa teshkilleshning emdi mexsus Uyghur edebiyat-sen'et sahesige kéngeytiliwatqanliqining ipadisidur. Uningdin ilgiri yene aptonom rayonluq edebiyat sen'etchiler birleshmisimu yazghuchi gheyret asim qatarliqlarning bashchiliqida atalmish "Uch xil küch"ke qarshi küresh qilish chaqiriqi élan qilghan idi.

Toluq bet