Уйғур кадирлириниң «очуқ хәт» елан қилиш долқуни давамлашмақта

Мухбиримиз меһрибан
2017-05-16
Елхәт
Пикир
Share
Принт

Уйғур қатарлиқ хитай болмиған милләтләрдин тәркиб тапқан юқири дәриҗилик һөкүмәт әмәлдарлириниң хитай таратқулирида аталмиш «үч хил күчләр» гә қарши мәйданини ипадиләш, хитай компартийәси вә һөкүмитигә садақитини ипадиләп, «иккийүзлимичилик» кә қарши мәйданини ипадиләш долқуни давамлашмақта.

16-Май күни уйғур аптоном районлуқ тәптиш мәһкимисиниң башлиқи, муавин партийә гуруппа секретари нишан ибраһимниң шинҗаң гезитидә елан қилған очуқ хетидә, уйғурларни хитай дөлитиниң бирликини қоғдашқа чақирип, аталмиш «үч хил күчләргә янтаяқ болмаслиқ» ни тәкитлигән. Нишан ибраһимниң очуқ хетидә йәнә уйғур дияридики қанун саһәсидә ишлигүчи хизмәтчиләрни «миллий бөлгүнчиләр вә зораван террор гумандарлириға қарита қанунни иҗра қилишта һәргизму юмшақлиқ қилмаслиқ, бирләшмә муш билән зәрбә бериштә чиң туруш» вә «иккийүзлимичи болмаслиқ» қа чақирған.

Уйғур диярида давамлишиватқан «очуқ хәт елан қилиш» долқуни хәлқарадики таратқуларда «өз-өзини тиллаш, хитай компартийәсигә садақитини билдүрүш долқуни» дәп тәриплиниватқан болса, хитай вәзийити анализчилири уйғур миллитидин болған һөкүмәт әмәлдарлириниң хитай тәшвиқат васитилиридә аталмиш «очуқ хәт» елан қилип, хитай компартийәси вә дөлитигә садақитини ипадиләшкә мәҗбурлиниш долқунини «мәдәнийәт инқилаби» дәвридинму ешип кәткән сиясий ашқунлуқ дәп тәриплимәктә.

Пикирләр (0)
Share
Толуқ бәт