Uyghur kadirlirining "Ochuq xet" élan qilish dolquni dawamlashmaqta

Muxbirimiz méhriban
2017-05-16
Élxet
Pikir
Share
Print

Uyghur qatarliq xitay bolmighan milletlerdin terkib tapqan yuqiri derijilik hökümet emeldarlirining xitay taratqulirida atalmish "Üch xil küchler" ge qarshi meydanini ipadilesh, xitay kompartiyesi we hökümitige sadaqitini ipadilep, "Ikkiyüzlimichilik" ke qarshi meydanini ipadilesh dolquni dawamlashmaqta.

16-May küni Uyghur aptonom rayonluq teptish mehkimisining bashliqi, mu'awin partiye guruppa sékrétari nishan ibrahimning shinjang gézitide élan qilghan ochuq xétide, Uyghurlarni xitay dölitining birlikini qoghdashqa chaqirip, atalmish "Üch xil küchlerge yantayaq bolmasliq" ni tekitligen. Nishan ibrahimning ochuq xétide yene Uyghur diyaridiki qanun saheside ishligüchi xizmetchilerni "Milliy bölgünchiler we zorawan térror gumandarlirigha qarita qanunni ijra qilishta hergizmu yumshaqliq qilmasliq, birleshme mush bilen zerbe bérishte ching turush" we "Ikkiyüzlimichi bolmasliq" qa chaqirghan.

Uyghur diyarida dawamlishiwatqan "Ochuq xet élan qilish" dolquni xelq'aradiki taratqularda "Öz-özini tillash, xitay kompartiyesige sadaqitini bildürüsh dolquni" dep teripliniwatqan bolsa, xitay weziyiti analizchiliri Uyghur millitidin bolghan hökümet emeldarlirining xitay teshwiqat wasitiliride atalmish "Ochuq xet" élan qilip, xitay kompartiyesi we dölitige sadaqitini ipadileshke mejburlinish dolqunini "Medeniyet inqilabi" dewridinmu éship ketken siyasiy ashqunluq dep teriplimekte.

Toluq bet