Қиримдики дөләт биналириниң қораллиқ кишиләр тәрипидин бесивелиниши вәзийәтни кәскинләштүрүвәтти

Мухбиримиз ирадә
2014-02-27
Елхәт
Пикир
Share
Принт

Украинадики руслар көп санлиқта яшайдиған қирим шәһиридики дөләт биналириға кимлики ениқ болмиған қораллиқ кишиләр бесип киргән. Бу кишиләр игиливалған биналарға русийә байриқини асқан вә шундақла «қирим русийәниң» дегән хәт йезилған плакатларни асқан.

Б б с ниң хәвәр қилишичә, нәқ мәйданни көргән шаһитлар бу қораллиқ кишиләрдин кимликини сориғанда, улар пәқәт «биз русийә» дәп җаваб бәргән.

Вәқәдин кейин украинаниң бүгүн тәйинләнгән баш министири арсений ятсәнюк баянат берип русийәни алақидар шәртнамиләргә әмәл қилишқа чақирди вә шундақла «русийәниң украинани парчилайдиған һәрикәтләрдин узақ туридиғанлиқиға ишинимиз» деди.

Украинада сабиқ дөләт рәиси януковеч ағдурулғандин буян,дөләттә рус тәрәпдарлири билән һазирқи йеңи вақитлиқ һөкүмәтни қоллиғучилар арисида зиддийәт кәскинләшмәктә. Көзәткүчиләр қиримдики бу қораллиқ кишиләрниң һөкүмәт бинасини бесивелишини мана бу зиддийәтниң бир парчиси, дәп қаримақта. Шималий атлантик әһди тәшкилати баш секретари рамуссен қиримдики вәзийәтниң кишини әндишиләндүридиғанлиқини билдүрди вә русийәни вәзийәтни кәскинләштүридиған қәдәмләрни ташлимаслиққа чақирди.

Пикирләр (0)
Share
Толуқ бәт