Qirimdiki dölet binalirining qoralliq kishiler teripidin bésiwélinishi weziyetni keskinleshtürüwetti

Muxbirimiz irade
2014-02-27
Élxet
Pikir
Share
Print

Ukra'inadiki ruslar köp sanliqta yashaydighan qirim shehiridiki dölet binalirigha kimliki éniq bolmighan qoralliq kishiler bésip kirgen. Bu kishiler igiliwalghan binalargha rusiye bayriqini asqan we shundaqla "Qirim rusiyening" dégen xet yézilghan plakatlarni asqan.

B b s ning xewer qilishiche, neq meydanni körgen shahitlar bu qoralliq kishilerdin kimlikini sorighanda, ular peqet "Biz rusiye" dep jawab bergen.

Weqedin kéyin ukra'inaning bügün teyinlen'gen bash ministiri arséniy yatsenyuk bayanat bérip rusiyeni alaqidar shertnamilerge emel qilishqa chaqirdi we shundaqla "Rusiyening ukra'inani parchilaydighan heriketlerdin uzaq turidighanliqigha ishinimiz" dédi.

Ukra'inada sabiq dölet re'isi yanukowéch aghdurulghandin buyan,dölette rus terepdarliri bilen hazirqi yéngi waqitliq hökümetni qollighuchilar arisida ziddiyet keskinleshmekte. Közetküchiler qirimdiki bu qoralliq kishilerning hökümet binasini bésiwélishini mana bu ziddiyetning bir parchisi, dep qarimaqta. Shimaliy atlantik ehdi teshkilati bash sékrétari ramussén qirimdiki weziyetning kishini endishilendüridighanliqini bildürdi we rusiyeni weziyetni keskinleshtüridighan qedemlerni tashlimasliqqa chaqirdi.

Toluq bet