Ақ сарай русийәни украинийәгә мудахилә қилиш зор хаталиқ болиду, дәп агаһландурди

Мухбиримиз әркин
2014-02-28
Елхәт
Пикир
Share
Принт

Ақ сарай җүмә күни русийәни украинаниң земин пүтүнлүкигә һөрмәт қилишқа чақирип, украинаға һәр қандақ шәкилдики мудахилә зо хаталиқ болиду, дәп агаһландурди.

Ақ сарай баянатчиси җей карней бу сөзләрни қораллиқ кишиләрниң украинаға қарашлиқ қиримдики икки айродромни ишғал қилғанлиқиға даир хәвәрләрдин кейин қилди.

У, қораллиқ кишиләрниң кимликини ениқлаватқанлиқи, вашингтон бир чәтәл дөлитиниң украинаға мудахилә қилғанлиқиға даир хәвәрләрдин әндишә қиливатқанлиқини билдүрүп, һәр қандақ мудахилә зор хаталиқ болиду, деди.

Юқири дәриҗилик бир украина әмәлдари, җүмә күни икки миң кишилик русийә армийисиниң қирим пайтәхти симферопол әтрапидики бир айрудумиға қонғанлиқини илгири сүрүп, русийәни рәсмий украинаға мудахилә қилиш билән тәнқид қилған.

Америка сабиқ украина президенти янукович русийәгә қечип кәткәндин кейин, кийеф һөкүмитини өткүзүвалған демократик күчләрни қоллиған иди.

Җүмә күни америка дөләт ишлар министирлиқи януковични украинаға рәһбәрлик қилиш қануни салаһийити йоқ, дәп елан қилди. Дөләт ишлар министирлиқи баянатчиси җейн саки, яноковичниң украинадин айрилғанлиқини әскәртип, биз яноковичниң өз мәсулийитидин баш тартқандин башлап, униң қануни салаһийитини йоқатқанлиқиға ишинимиз, деди.

Ақ сарай баянатчиси җей карнейниң әскәртишичә, америка әмәлдарлири русийә әмәлдарлири билән елип барған сөһбәтлиридә, украинаниң земин пүтүнлүкигә һөрмәт қилишни тәләп қилған.

Пикирләр (0)
Share
Толуқ бәт