Örkesh döletning yurtigha qaytish urunushi yene meghlup boldi

Muxbirimiz erkin
2013-11-28
Élxet
Pikir
Share
Print

1989‏-Yildiki "Tyen'enmén oqughuchilar herikiti" ning rehberliridin örkesh dölet ikki kün awwal teywendin xongkonggha kélip, xongkong chégra da'irilirige özini melum qilghan.

U, xongkong da'irilirining özini derhal qolgha élip, béyjing da'irilirige tapshurush bérishini telep qilghan bolsimu, biraq xongkong da'iriliri uni qolgha élishni ret qilghan we teywen'ge qayturuwetken.

Bu, örkesh döletning xitay da'irilirige tunji qétim özini melum qilishi emes.

U ilgiri xongkong, awmén da'irilirige, xitayning yaponiye we amérikidiki elchixanilirigha özini melum qilghan bolsimu, ular örkeshni qolgha élishni ret qilghan.

Bu nöwet uning özini melum qilish arqiliq yurtigha qaytip, ata-anisi bilen körüshüsh tirishchanliqi yene bir qétim meghlubiyetke uchridi.

Örkesh dölet bu qétim xongkongluq adwokat, xongkong parlamént ezasi xé jünrénning hemrahliqida xongkonggha kélip özini melum qilghan.

U xongkong ayrodromida turup gérmaniye axbaratigha bergen melumatida: men xongkong hökümitining méni junggo da'irilirige ötküzüp bérishini ümid qilip keldim. Men merkezning xongkongda turushluq alaqilishish ornining xadimlirining tézrek kélishini arzu qilimen, dégen.

Biraq, xongkong da'iriliri örkeshning telipini ret qilip, uni derhal teywen'ge yolgha sélip qoyghan.

Örkesh dölet "4‏-Iyun tyen'enmén weqesi" din kéyin xitay da'iriliri tutush buyruqi chiqarghan 2‏-nomurluq shexs.

Toluq bet