Оттура асиялиқларниң русийәгә келиши нисбити азлимақта

Мухбиримиз үмидвар
2015-11-09
Елхәт
Пикир
Share
Принт


Русийә федератсийә көчмәнләр идариси 2015 - йили, 5 - ноябир күнидики санлиқ мәлуматида русийәгә келидиған өзбекистанлиқ, таҗикистанлиқ меһнәт көчмәнлириниң азлашқа башлиғанлиқини билдүргән.

Пәрғанә учур ториниң хәвәр қилишичә, һазир русийәдә бир милйон 940 миңдин артуқ өзбекистанлиқ, 685 миңдин артуқ қазақистанлиқ, 526,миңдин артуқ қирғизистанлиқ, 933 миңдин артуқ таҗикистанлиқ бар икән.

Русийә көчмәнләр ишлири даирилири тәкшүрүш арқилиқ, өзбекистан, таҗикистан вә қазақистанлиқларниң русийәдики саниниң азлашқа башлиғанлиқи, әмма, қирғизистанлиқларниң саниниң ашқанлиқини билдүргән.

Мәлумки, русийә һөкүмити украина кризиси түпәйлидин ғәрбниң иқтисади имбаргосиға учриған болуп, бу оттура асиялиқ көчмәнләргиму тәсир көрсәткән икән вә көп сандики өзбекистанлиқ вә таҗикистанлиқлар қайтип кәткән.

Униң үстигә русийәму чәтәлликләрниң русийәдә туруши вә ишлишигә қарита чиңрақ түзүм орнатқанлиқи хәвәр қилинған иди.

Пикирләр (0)
Share
Толуқ бәт