Ottura asiyaliqlarning rusiyege kélishi nisbiti azlimaqta

Muxbirimiz ümidwar
2015-11-09
Élxet
Pikir
Share
Print


Rusiye fédératsiye köchmenler idarisi 2015 - yili, 5 - noyabir künidiki sanliq melumatida rusiyege kélidighan özbékistanliq, tajikistanliq méhnet köchmenlirining azlashqa bashlighanliqini bildürgen.

Perghane uchur torining xewer qilishiche, hazir rusiyede bir milyon 940 mingdin artuq özbékistanliq, 685 mingdin artuq qazaqistanliq, 526,mingdin artuq qirghizistanliq, 933 mingdin artuq tajikistanliq bar iken.

Rusiye köchmenler ishliri da'iriliri tekshürüsh arqiliq, özbékistan, tajikistan we qazaqistanliqlarning rusiyediki sanining azlashqa bashlighanliqi, emma, qirghizistanliqlarning sanining ashqanliqini bildürgen.

Melumki, rusiye hökümiti ukra'ina krizisi tüpeylidin gherbning iqtisadi imbargosigha uchrighan bolup, bu ottura asiyaliq köchmenlergimu tesir körsetken iken we köp sandiki özbékistanliq we tajikistanliqlar qaytip ketken.

Uning üstige rusiyemu chet'elliklerning rusiyede turushi we ishlishige qarita chingraq tüzüm ornatqanliqi xewer qilin'ghan idi.

Toluq bet