Özbékistan sabiq prézidént kerimofning qizi gulnarani qolgha alghan

Muxbirimiz erkin
2017-07-28
Élxet
Pikir
Share
Print

Özbékistan hökümiti özbékistan sabiq prézidénti islam kerimofning chong qizi gülnara kerimowaning sotlinip, nezerbend qilin'ghanliqini élan qildi.

Özbékistan bash teptish mehkimisining jüme küni bildürüshiche, gülnara kishilerge séliq sélish, bashqilarning mülkini özining qiliwélish we bashqa jinayetler bilen eyiblinip sotlan'ghan we 5 yilliq qamaq jazasi bérilip nezerbend qilin'ghan. Bu, özbékistan edliye tarmaqlirining tunji qétim 45 yashliq gülnara kerimowaning ehwalidin uchur bérishidur. Uning 2014‏-yili dadisi bilen bolghan munasiwiti buzulup, shuningdin béri u özbékistan axbarat we ammiwi sorunliridin ghayib bolghan idi.

Roytérs agéntliqining xewiride, özbékistan teptish da'irilirining gülnaraning shwétsariye, shiwétsiye, en'gliye, firansiye, latwiye, irélandiye, malta, gérmaniye, xongkong, rusiye, birleshme ereb emirliki qatarliq dölet we rayonlardiki bir milyard 500 milyon dollarliq mal-mülkini tonglitishqa kirishkenlikini bildürgen.

Özbékistan teptish emeldarlirining qeyt qilishiche, gülnara 2015‏-yili séliq sélish, xeqning mülkini özini qiliwélish, baj oghrilash jinayiti bilen sotlan'ghan we 5 yilliq nezerbend qilish jazasi bérilgen. Da'iriler yene, uning aldamchiliq, tamozhnidin atlap ötüsh, chet'el péréwot qanunigha xilapliq qilish, pul yuyush qatarliq jinayetler bilen tekshürülgenlikini we sotlinish basquchida turuwatqanliqini bildürgen.

Gülnara ilgiri özbékistandiki eng küchlük sodiger, siyasiyon we kerimofning izbasari dep qarilip kelgen. Emma shuning bilen birge, u kishilik hoquq teshkilatlirining we özbék öktichilirining qattiq qarshiliqigha uchrap kelgen shexs idi.

Da'iriler u 2014‏-yili ghayib bolghandin tartip hazirgha qeder uning ehwalidin héchqandaq uchur bérip baqmighan. U dadisi, sabiq prézidént kerimof 2016‏-yili séntebirde méngisige qan chüshüp ölgendimu, uning jinaze murasimigha qatnashturulmighan. Shiwétsiye teptish da'iriliri 2014‏-yili uning üstidin pul yuyush jinayi bilen tekshürüsh bashlighan idi.

Toluq bet